Dadgeha Mafê Mirovan a Ewropayê (DMME) ji ber binpêkirina dema Doza Sereke ya KCK’ê ku siyasetmedarên Kurd kiribû hedefa xwe, cezayê tazmînatê da Tirkiyê.
Rejîma Tirk bi kampanyaya zextê ya bi navê ”KCK/Meclîsa Tirkiyê” ku dabû destpêkirin, nehiştibû ku 83 siyasetmedarên Kurd 18 mehan derkevin ber dadgeran. Parêzer bi hinceta ku li ser dosyayê biryara veşartinê heye 15 mehan nikarîbûn bi çalakî îtîraz bikin. DMME’yê ji serlêdanê ya bi sedema binpêkirina azadî û binpêkirinê Tirkiye mehkûm kir.
DMME’yê di biryara xwe de hikim li ser da ku Tirkiyê Benda 4’an a Xala 5’an a Peymana Mafê Mirovan a Ewropayê (PMME), a bi sernava ”Mafê Azadî û Ewlehiyê” binpê kiriye.
Tirkiye ji bo her serlêdanê cuda, bi giştî 2 hezar û 750 euro tazmînat li Tirkiyê birî.
Yek ji parêzerê serlêdanê Reyhan Yalçindag li ber biryara DMME’yê ji Ajansa Mezopotamyayê re axivî û got bi vê biryardariyê derketiye holê ku mafdar in.
Yalçindag got, ”Dadgehê bi biryara ku dayî mafê ewlehiya takekesî û azadiyê ya ku Peymanê ya xala 5/4’an a têkilî darizandinên giriyan a di dosyaya doza sereke a KCK’ê de 5 salan, bi rengekî kêfî binpê kiriye.”
Yalçindag got, ”Di vê dosyayê de bêyî ku gumanbariyeke maqûl di dosyayê de hebe, bêyî ku naveroka di dosyayê de were vegotin, li gel ku tenê bi pirsa, ”Hûn enamên KCK’ê ne?” hatine girtin jî, dadgehê, weke ku gumanbariyeke maqûl hebe, nenirxandina têkilî xala 5/1’ê ya peymanê, mijara rexneyê ye.
