HPG’ê nasnameya 6 gerîlayên meha Tebaxê li Şirnex û Colemêrgê şehîd bûn eşkere kir.
Navenda Ragihandin û Çapemeniyê ya HPG’ê daxuyaniyeke nivîskî li ser malpera xwe weşand û li ser gerîlayên 7 û 17’ê Tebaxê li Şirnex û Colemêrgê şehîd bûn agahî da.
Şerê navbera artêşa TC a dagirker û hêzên me yên gerîla roj bi roj mezin dibe. Hêzên dagirker ku li hemberî gerîlayên azadiya Kurdistanê nikarin tiştekî bikin, bi rêya teknîkê hewl dide encamekê bi dest bixin. Hêzên me yên gerîla ku xwe bi ruhê fedayî yê Apoyî xemilandine, di vî şerê dijwar de derbên giran li dijmin dixin û hesab û planên dijmin ji hev dixin. Di vê berxwedana dîrokî ya Kurdistanê de car carna şehîdên me jî çêdibin. 7’ê Tebaxê li Çiyayê Gabarê û 17’ê Tebaxê li herêma Bajêrgeh a Colemêrgê di şer û êrîşên hewayî de hin şehadetên me çêbûn. Her hevalên me yên bi lehengî şer kirin û şehîd bûn, bûn mînakeke mezin a wêrekiyê û di meş azadiyê de weke fedayiyên gelê me cihê xwe di dîroka Têkoşîna Azadiyê ya Kurd de girtin.
Agahiyên li ser nasnameya şehîdan:
Nasnav: Canşer Botan
Nav paşnav: Emrûllah Yavûz
Cihê jidayikbûnê: Şirnex
Dem û cihê şehadetê: 7’ê Tebaxa 2018’an / Şirnex
*****
Nasnav: Firat Semsûr
Nav paşnav: Nazîf Gurbuz
Cihê jidayikbûnê: Semsûr
Dem û cihê şehadetê: 7’ê Tebaxa 2018’an / Şirnex
*****
Nasnav: Rêdûr Koçer
Nav paşnav: Halît Erîcek
Cihê jidayikbûnê: Mêrdîn
Dem û cihê şehadetê: 7’ê Tebaxa 2018’an / Şirnex
*****
Nasnav: Serkeft Sîîrt
Nav paşnav: Vehbî Taş
Cihê jidayikbûnê: Sêrt
Dem û cihê şehadetê: 7’ê Tebaxa 2018’an / Şirnex
*****
Nasnav: Mazlûm Kobanî
Nav paşnav: Îsmaîl Beşar
Cihê jidayikbûnê: Kobanî
Dem û cihê şehadetê: 17’ê Tebaxa 2018’an / Colemêrg
*****
Nasnav: Xemgîn Roj
Nav paşnav: Bûrhan Gunduz
Cihê jidayikbûnê: Erzîrom
Dem û cihê şehadetê: 17’ê Tebaxa 2018’an / Colemêrg
Di serî de malbatên hêja yên hevalê me yên şehîd bûne em sersaxiyê ji tevahiya gelê xwe yê welatparêz dixwazin û careke din soz didin ku em ê ji bo azadiya Rêbertî û Kurdistanê bê navber têbikoşin ku ev yek xewn û xeyala şehîdên me bû.”
