Aktîvîstên Tevgera Ciwanên Şoreşger û Jin ên Ciwan ên Azad li banliyoya Drancy a Parîsê êrişkariya dewleta Tirk a faşîst û hevkariya PDK’ê ya pê re şermezar kirin. Ciwanên ji Tevgera Ciwanên Şoreşger û Jin ên Ciwan ên Azad, plana dagirkeriyê ya dewleta Tirk a li Başûrê Kurdistanê û polîtîkaya PDK’ê ya hevkariya bi dewleta Tirk re, li paytexta Fransa Parîsê bi çalakiyeke bêîteatiya sivîl şermezarkirin.
Çalakî doh êvarê li banliyoya Drancy a Parîsê pêk hat. Ciwanan rê li trafîkê girtin û panarta bi nivîsa “Bimire xiyanet” hildan. Çalakgeran dirûşmên “Êdî bes e PDK”, “Bijî Serok Apo”, “Kujer Erdogan”, “Kujer Tirkiye” û “Bijî Partiya Karkerên Kurdistan” qîriyan.
Ciwanan bi posterên Ocalan û alên PKK’ê rê li trafîkê girtin û piştre dest bi meşê kirin.
