Parlementoya ku di sala 2014’an de bi hilbijartinê pêk hatibû, diyar kir ku heke hêzên çekdar ên Misirê bibîne ku li dijî ewlekariya Lîbya û Misirê gef heye, wan pêşiya mudaxeleya Misirê vekirine.
Serokkomarê Misirê Abdulfettah El Sîsî nerazîbûn nîşanî Tirkiyeyê dabû ku yekser tevlî şerê Lîbyayê dibe û hişyarî kiribû “Ew ê yekser mudaxeleyeke leşkerî bikin.”
DAGIRKERIYA DEWLETA TIRK GEFEKE YEKSER E
Dewleta Tirk li Lîbyayê piştgiriyê dide desthilatdariya navendî ya Trablûsê ya ku Biraderên Misilman serwer in. Tirkiye ambargoya çekan a Konseya Ewlekariyê ya Neteweyên Yekbûyî jî bin pê dike.
Parlementoya li rojhilatê Lîbyayê serwer e got ku, “Ji bo têkbirina Tirkiyeya dagirker û parastina ewlekariya neteweyî ya hevpar, em ji bo hewldanên hevpar ên di navbera welatên cîran Lîbya û Misirê de bang dikin.”
Di daxuyaniya nivîskî de hate gotin, “Gefên ji ber dagirkeriya dewleta Tirk welatê me di serî de, li ser Misir û welatên cîran jî gefê dixwe.”
