Li gorî dozgeriya federal dîplomatê Îranî yê 48 salî Esadûllah Esadî 2018’an li dijî muxalîfên Îranî koordînatoriya plana êrîşa ‘terorî’ kiriye û divê cezayê ‘herî zêde’ lê were birin.
Dozgeriyê ji bo Esadî 20 ceza xwest û her wiha ji sê bersûcên ‘hevkarê sûc’ ji her yekê ji 15 salan heta bi 18 salan ceza xwest.
Esadî li gel ku bang lê hatibû kirin jî tevlî danişînê nebû, bersûcên din hazir bûn.
Havîna 2018’An jin û mêrekî Îranî ku li Parîsê li dijî muxalîfan bi plansaziya êrîşê bûn li Belçîkayê hatibûne girtin.
500 gram madeya teqemeniyê ya bi dest çê kirî hatibû bidestxistin, di eynî lêpirsînê de li Elmanyayê dîplomatekî Îranî jî hatibû destgîkirin. Hatibû gotin kesên ku hatibûne girtin 30’ê Hezîrana 2018’an li Parîsê plansaziya êrîşê kiribûn li dijî kongreya Konseya Berxwedana Netewî ya Îranê ku qenadê siyasî ya Micahidên Gel e.
