Partî û rêxistinên Kurdistanî yên li Ewropayê bi gotina, “Bila Newroza îsal bibe çepera yekîtî û lihevhatina navxweyî” cejna Newrozê pîroz kirin û ji bo pîrozbahiyan banga tevlîbûnê kirin.

Partî, rêxistin û saziyên Kurdistanî yên li Ewropayê, ji bo pîrozbahiyên îsal ên Newrozê daxuyaniyek dan.

Di destpêka daxuyaniyê de hate gotin, “Em bang li Kurdistaniyên li Ewropa, Kanada û Awûstralyayê dikin, ku bi hev re, bi ruhê berxwedana Kawayê Hesinkar û Kawayê Hemdemî Mezlûman û xweragirên GARÊ, Newroza 2021’ê pîroz bikin, kedxwarî, mêtingerî û dagirkeriyê têk bibin û Kurdistanê rizgar bikin!”

Daxuyanî wiha ye:

“Divê em di salvegera 3’an de dagirkirina Efrînê ji bîr nekin ku ew jî di NEWROZA 2018’an de, ji aliyê êrîşek hovane a dewleta faşîst û qirker a Tirk ve pêk hatibû. Hema sala li pey wê, dîsa ji aliyê heman dewleta mêtinger a Tirk ve Serêkaniyê û Girê Spî jî hatin dagirkirin.

Heman dewleta Tirk a weke dijminê sondxwarî yê gelê Kurd e, her êrişkariyên xwe dewam dike û bi taybetî jî di vê heyva Adarê ya Newrozê de, him li ser herêmên xweser ên Rojava û him jî li ser Herêmên Parastinê yên Medyayê, Şengalê, Mexmûrê û hwd. bênavber berfirehtir û dijwartir dike.

Weke tê zanîn tecrîda li Îmraliyê jî, her diçe girantir dike. Li dijî vê siyaseta dijminkarane a dewleta faşîst a Tirk, gelê me jî ketiye nava çalakiyên dorfireh. Divê em jî, di vê çarçovê de, ji salên berê xurtir bi rêxistinî û bi girseyî beşdariya çalakiyên Newrozê yên îsal bibin.

Her wiha heta ji me were, em bi cil û bergên Kurdî û Kurdistanî, qadên Newrozê bixemilînin, bi coş û moralekî bilind dakevin qadan. Ji xwe em zanin ku Newroz li ser bingeha têkoşîna dijî zordestiyê pêk hatiye. Li dijî zulmê, koledarî, dagirkerî û her cûreyên serdestiyê, bûye stêrka rizgarî û azadiyê.

Bila Newroza îsal bibe çepera yekîtî û lihevhatina navxweyî! Li ser vê bingehê Cejna Newrozê, li gelê Kurdistanê yê xweragir û mirovahiyê pîroz be!”

Rêxistin, partî û saziyên Kurdistanî yên li Ewropayê yên mohra xwe danîn binê daxuyaniyê:

YNK (Yektiya Niştimanî Kurdistan)
Tevgera GORRAN
KCDK-E (Kongra Civaka Kurdistaniyan-Ewrupa)
TJK-E (Tevgera Jinên Kurdistanê-Ewrupa)
Partiya ŞÛÎ Kurdistan  Basur
Kongra Star (Rêxistna Jin li Rojava, Bakur-Rojhilatê Sûryê)
Partiya Zahmetkêşan – Başûr
PADÊ (Partiya Azadî û Demokrasiya Êzîdiya)
Tevgera Azadî
PYD (Partiya Yekîtiya Demokrat)
P.D.K.S  (Partiya demoqrat a kurdî ya sûrî )
Partiya Çep a Kurd li Sûrî.
Tevgera Nûjen ya Kurdistanî-Sûrya.
PÇDKS ( Partiya çep a Demoqrat a Kurd li Sûriyê.)
Partiya Demokrata Kurd li Sûriya( El Partî).
Partiya Çep a Demokrat li  Sûriya.
Partiya Rêkeftin a Kurd li Sûrya.
Partiya Çaksaziya Kurd li Sûriya.
Partiya Kesk a Kurdistanî li Sûriya.
Partiya Demokrata Kurdistanî li Sûrya.
Partiya Komanist a Kurdistanî li Sûriya.
PÎK (Partiya islamiya Kurdistan)
KKP ( Partiya Kominista Kurdistan)
Tevgera Kawa
PJAK(Partiya Jiyana Azada Kurdistan)
Yakyatî Şorşgêrî Kurdistan
KODAR  (Civaka Demokratîk û Azada Rojhelatĕ Kurdistan)
KJAR (Civaka Jinên Rojhelatî Kurdistan)
Platforma Horam
Plattform Zagros
Plattform Yarsan
Yarî Kurd
Partiya Dimokrati Pêşvero kurdi Li Surîya
Tevçand (Tevgera Çand û Hunera Kurd)
Kurdische Gemeinde Stuttgart e.V
FEDA ( Federesyona Elewîyên Kurdistan)
NAV – YEK (Federasyona Komelên Êzidiya)
Kurdische Zentrum Berlin
CIK ( Civaka Islamiya Kurdistan)
Enstituta Kurdî – Almanaya
Enstituta Kurdî – Bruksel
MŞD ( Meclîsa Şingal a Derveyî Welat)
YMK ( Yekîtîya Mamostayên Kurdistan)
YES (Yekitiya Êzdiyên Sûri)
Kurdisch Gemeinde Brandenburg – Berlîn  
Dachverband der Êzidischen Frauenräte
DKF (Deutsch-kurdisches Forum) e.V  Dresden
Kongreya Gel a Mezopotamyayê.
Partiya Azadiyê ya Mezopotamyayê.
Kurdistan human rights Association