Kongreya Neteweyî ya Kurdistanê (KNK) li dijî dagirkeriya dewleta Tirk a li ser Başûrê Kurdistanê konferansekê li dar dixe. Ji bo konferansê jî bang li hêzên Kurd û Kurdistanî hemûyan kir ku tevlî bibin.
Konseya Rêveber a KNK’ê bi daxuyaniyekê bal kişand ser êrişên dagirkeriyê yên dewleta Tirk ên li se başûrê Kurdistanê û destnîşan kir ku armanc ji van êrişan ew e ku tevahiya Başûrê Kurdistanê dagir bikin û destketiyên gelê Kurd ji holê rakin.
KNK’ê destnîşan kir ku divê gelê Kurd û Kurdistanî li xak û destketiyên xwe xwedî derkeve.
Di daxuyaniyê de hate gotin, “Kongreya Neteweyî ya Kurdistanê, ji bo pêkanîna yekdengî, yekrêzî û helwesteke neteweyî, ji bo helwesteke tundî ya neteweyî li dijî dagirkeriyê bê nîşandan, bi navê ‘Li dijî dagirkeriyê’ konferansekê pêk tîne. Bê ferq û cudahî em hemû partî, rêxistin û saziyên civakî dawetî konferansê dikin.”
Li gorî daxuyaniyê, bernameya konferansê ya ku wê bi rengekî online bê lidarxistin wiha ye:
Dem: 15.05.2021
Saet: 10:00 (Li gorî dema Ewropayê)
Şêwe: Online Zoom
