Li Petropolîsa ku li herêmeke çiyayî û turîstîk a Eyaleta Rîo de Janeîroyê ye, rêjeya barîna barana ku ji bo tevahiya meha Sibatê dihat texmînkirin di 6 saetan de barî.
Ji roja Sêşemê û şûnde hejmara kesên jiyana xwe ji dest danî du qat zêde bûye. Di bîlançoya berê de hat ragihandin ku 18 kes mirine. Li gorî daxuyaniya nû ya rayedaran 34 kes mirin. Fikar heye ku bîlanço hîn girantir bibe.
Di dîmenên ku di medyaya Brezîlyayê û medyayên dîjîtal de hatin parvekirin de, di hezaza axê ya ji giran de xaniyên hilweşiyayî û wesayîtên ku di avê de mane têne dîtin.
Li navenda xwe ya dîrokî de gelek kargeh bi temamî di bin avê de man.
Di Çileya 2011’an de, li vê herêma çiyayî ya berfireh a ku Petropolîs û cîranên wê Nova Frîbûrgo, Itaîpava û Teresopolîs li xwe digire de zêdetirî 900 kes di lehî û hezaza axê de jiyana xwe ji dest dabûn.
