Partiyên siyasî û sendîkayên li 74 welatên cîhanê di 10′ê Cotmehê Pêngava “Ji Ocalan re azadî, ji pirsgirêka Kurd re çareserî” ragihand.

Tevgera Civaka Demokratîk (TEV-DEM) îro bi imzeya 27 saziyên sivîl ji rêveberiya vê pêngavê re nameyeke piştgiriyê şand.

Di nameyê de hat gotin:

“Yekitî, ode û saziyên civaka sivîl, nivîsgehên birêxistinkirina jin û ciwanan û tevahî aktîvîteyên çandî yên Bakur û Rojhilatê Sûriyeyê ku di bin banê TEV-DEM`ê de kom dibin, têkoşîna we ya bi rûmet a ji bo pêkanîna azadiya fîzîkî ya Rêber Abdullah Ocalan silav dikin. Rêber Ocalan, li cîhanê tekane girtî ye ku ji bo vîna gelan ji zêdetirî 25 salan ve di hucreya yek kesî de têdikoşe û li ber xwe dide.”

TEV-DEM’ê di nameyê de bal kişand ser sûcên dewleta Tirk a dagirker ên li dijî Rêber Abdullah Ocalan û tecrîda girankirî û got:

“Rêber Abdullah Ocalan ji wexta dîl hatiye girtin ve, bi siyaseta îşkenceya derûnî û bedenî re rû bi rû ye û ev siyaset bi armanca têkbirina cewher û nirxên paradîgmaya Rêber Abdullah Ocalan û dûrxistina wî ji gelê Kurd û gelên azadîxwaz e têkiri.

Hat gotin:

Em teqez dikin ku azadiya Rêber Abdullah Ocalan wê dawî li şerê Tirkiye-Kurdan bîne. Lewma çareseriya pirsgirêkên li Tirkiye û Bakurê Kurdistanê bi azadiya Rêber Abdullah Ocalan pêkan e.

Em bi hêvî ne ku ev têkoşîn bi tevlêbûna rêxistinên hiqûqî, saziyên sivîl, komeleyên mafên mirovan û navendên têkildarî girtiyên siyasî, firehtir bibe.”

 

Yekiti, rêxistin û odeyên îmzeya xwe avêtine binê nameyê ev in:

Yekitiya Kedkaran

Yekitiya Mamosteyan

Yekitiya Rewşenbîran

Yekitiya Parêzeran

Yekitiya Bijîşkan

Yekitiya Bijîşkên Diranan

Yekitiya Dermanfroşan

Yekitiya Cotkaran

Yekitiya Koperatîfên Cotkariyê

Yekitiya Hunermendan

Yekitiya Asnafan

Yekitiya Pîşeyên Tenduristiyê

Yekitiya Endezyaran

Yekitiya Bazirganên Avahiyan

Yekitiya Ajokeran

Odeya Bazirganiyê

Odeya Pîşesaziyê

Rêxistina Rojava

Mala Êzidiyan

Meclisa Civakî ya Ermen

Komeleya Çerkesî

Komeleya Turkmenî

Nivîsgeha Jinan a TEV-DEM`ê

Nivîsgeha Ciwanan a TEV-DEM`ê

Komeleya Wênekêşan

Yekitiya Pîşeyên Serbest

Yekitiya Pîşeyên Destan ên Xwecih