Navenda Ragihandin û Çapemeniyê ya Yekîneyên Parastina Rojhilatê Kurdistanê (YRK) têkildarî şehadeta gerîlayekî xwe daxuyaniyek da.
Di daxuyaniyê de hate gotin, “Di 28’ê Îlona 2022’an de, hevrêyê me Egîd Çemezî, dema li ser erka xwe ya şoreşgerî bû û xwest li herêma Asosê Ava Zê ya Biçûk derbas bike, bi felaketeke xwezayî re rû bi rû ma û di nava avê de şehîd bû.
YRK’ê agahiyên li ser nasnameya şehîd Egîd Çemezî wiha parve kirin:
Nav paşnav: Rehîm Xûlamî
Kod: Egîd Çemezî
Cih û Dîroka tevlîbûnê: 1-1-2019- ÎLAM
Cih û Dîroka Şehadetê: 18-9-2022 Asos
YRK’li ser kesayet û têkoşîna şehîd wiha got:
Hevrêyê me Egîd Çemezî yek ji ewladên Rojhilatê Kurdistanê, ji bajarê Îlamê, ji eşîra Melek Şahî bû. Di sala 2019’an de berê xwe da nava refên gerîla .
Ji roja beşdarbûna xwe, heta kêliya ku digihêje şehadetê jî, her bi ked û fedakariya xwe ya ji bo tevger û hevrêyên xwe, dihate naskirin.
Hevrêyê me Egîd çanda kevnar a herêma Îlam, bi zanebûneke mezin li ser fikir û îdeolojiya Rêber APO dike yek û her û her mezin dike.
