Bi sedan welatiyên li Parka Îbn-î Mîrza kom bûn, meşale vêxistin û bi pankarta “Newroz pîroz be, Rabe!” dest bi meşê kirin.
Di meşê de beşdaran dirûşmên “Bimre koletî, bijî azadî”, “Jin, jiyan, azadî” û “Bijî Newroz” berz kirin.
Meşa bi meşale, heta pêşiya buroya hilbijartinê ya DEM Partiyê dewam kir.
Namzetê hevşaredariyê yê Kolikê Osman Ozbek axaftinek kir û got;
Newroz, berxwedana Kawayê Hesinkar ya li dijî zilmê ye. Îro jî, Kawayen hemdemî li dijî Dehaqên serdemê têkoşînê dikin.
Piştî axaftinê, pîrozbahî bi dahol û zirne û govendê dewam kir.
Li navçeya Colemêrg Geverê jî, Newroz, bi pêşengiya ciwanan hate pîrozkirin.
Piştî agirê Newrozê hate vêxistin û fîşekên hewayî teqandin.
