Hevserokatiya Konseya Rêveber a KCK’ê têkildarî encamên hilbijartina 31’ê Adarê yên li Tirkiye û Bakurê Kurdistanê, daxuyaniyek da, gelê Kurdistanê pîroz kir.
KCK’ê dibêje Gelê Kurd dîrokek nivîsî, divê her kes helwesta gelê Kurd, rolê wê û serketina wê ya dîrokî bibîne û rast fêhm bike û wiha dibêje
Serketina gelê Bakurê Kurdistanê, hemû beşên Kurdistanê kêfxweş kiriye. Gelê Kurdistanê bi vê serketinê serbilind e. Serketina dîrokî ya di hilbijartinên herêmî de di têkoşîna azadiya gelê Kurd de qonaxek girîng e. Di vê serketina dîrokî de rola dayikan yan jin û ciwanan mezine.
Di hilbijartinên herêmî yên 31’ê Adarê de gelê me li dijî tecrîda li ser Rêber Apo, rejîma qeyûm a îradeya gelê Kurd desteser kiriye, siyaseta înkar û qirkirinê ya desthilatdariya AKP-MHP’ê mahkum kir. Îradeya mezin a di Newrozê de di hilbijartinên herêmî de hate nîşanda û rê neda faşîzma AKP-MHP’ê.
KCK’ê dazanîn ku xeta têkoşîna hevpar û yekîtiya demokratîk, ku gelê Kurd bi gelên Tirkiyê û hêzên demokrasiyê re pêşxistiye, bi serket. Ev serketin wê bibe bingeha feraseta netewa demokratîk
KCK’ê diyar kir ku, hilbijartin bi rêbazên demokratîk ne hate kirin û got;
Bi taybetî li Bakurê Kurdistanê rewşek antîdemokratîk serdest bû. Bi deh hezaran mirovên weke leşker, polîs, sivîl, memûr û hwd. birin Kurdistanê û bi wan deng hatin avêtin.
Faşîzma AKP-MHP’ê bi feraseta dijminatiyê li her derê, bi taybetî li qadên ku deng dihatin bikaranîn gef li Kurdistaniyan xwarin. Bi taybetî li navend û navçeyên Şirnexê, navçeyên Colemêrg Qers, Bedlîs û Çewlikê, hemû cihên ku bi navê AKP-MHP’ê hatine nivîsandin, cihên ku hatine xespkirine gef li gel hate xwarin.
Desthilatdariya faşîst a AKP-MHP’ê 22 sal in, bi şerê taybet, kaos û qeyranan, bi lincên li kolanan, kuştina jinan desthilatdariya xwe li ser gelên Tirkiyê ferz dike.. Lê gel Kurd û dînamîkên demokrasî û gelên li Tirkiyê di hilbijartinên 31ê Adarê de feraseta faşîst ya AKP-MHP’ê hilweşand.
Gelan diyar kir ku pêdiviya Tirkiyê bi kûrkirina şerê li dijî Kurdan nîne. Pêdivî bi demokratîkbûna Tirkiyê, çareseriya siyasî ya demokratîk a pirsgirêka Kurd heye.
Gelê Kurd hem di Newrozê de, hem jî di hilbijartinê de bi awayekî eşkere helwesta xwe nîşan da û da diyar kirin ku divê di zûtirîn demê de tecrîda li ser Rêber Apo were bidawîkirin, azadiya fîzîkî ya Rêber Apo were mîsogerkirin û di çareseriya pirsgirêka Kurd de Rêber Apo were mixatabgirtin.
Divê her kes vê helwest û vîna gelê Kurd bibîne.
KCK’ê herî dawî bang li dewletên herêmê û hêzên navneteweyî kir ku piştgiriya planên AKP-MHP’ê yên ku qirkirina Kurdan nekin. Divê her kes îradeya gelê Kurd bibîne û li gorî wê tevbigere.
