Çavkaniyên herêmî da zanîn artêşa Tirk a dagirker, şeva borî li çiyayê Gamnêrik ê li sînorê Amêdiyê, dest bi çêkirina baregeheke nû kirin.
Heman çavkaniyan got; Artêşa Tirk a dagirker li girê Baroxî yê li navçeya Kanî Masî ya girêdayî Amêdiyê bi cih bûne.
Ajansa ANF’ê dîmenên çêkirina baregeha nû weşand û dibêje;
Artêşa Tirk a dagirker bi riya sereke ya gundê Rafîne, re, li gel hejmarek zêde tank, wesayîtên leşkerî birin Qeleya çiyayê Gamnêrik.
Çavdêrên siyasî jî eşkere kirin ku dewleta Tirk a dagirke, bi dehan baregehên leşkerî li Başûrê Kurdistanê çêkirine û nêzîkî 40 km ketiye başûr.
Artêşa Tirk a dagirker, sînorê Germiyan, Çemçemal, Ranya û Herêmên Parastina Medya jî bombedike, welatiyan şehîd dike.
Tevî van kiryaran jî, ne desthilatdariya Iraqê û ne jî desthilatdariya demkî ya Herêma Kurdistanê dengê xwe dernayin, Berovajî wê desthilatdariya başûrê Kurdistanê li gel dewleta faşîst a Tirk û Erdogan, hevdîtin û hevkariyê dike.
