Parlementera HDP’ê Ayşe Acar Başaran diyar kir ku hikumet berpirsê mirina girtiyê nexweş ê bi navê BUrhan Karatay e û got “Hemû serlêdanên berdanê hatine redkirin, daxwazên tedawiyê jî ji aliyê rêveberiya girtîgehê hatiye piştguhkirin.”
Berdevka Komîsyona Hiqûq û Mafên Mirovan a HDP’ê û Parlamentera HDP’ê ya Êlihê Ayşe Acar Başaran derbarê girtiyê nexweş ê bi navê Burhan Karatay ê jiyana xwe ji dest da daxuyanî da.
‘LI BER ÇAVAN MIR!’
Başaran got “Ligel ku temenê Karatay zêde bûbû û ji ber nexweşiyên wî, gelek serlêdanên ji bo tehliyeyê hatibû kirin lê rêveberiya girtîgehê guh neda daxwazên wî yên tedawiyê jî. Wekî Koçer Ozdal, Burhan Karatay jî ji ber nehate tedawîkirin, terkî mirinê hatine kirin.”
Başaran bi bîr xist ku hefteyek borî ji bo rewşa girtiyên nexweş wan pêşniyaznameya lêkolînê dane Meclîsê lê ev pêşniyazname bi dengên AKP’ê hatine redkirin û got: “Heke ev pêşniyazname bihata qebûlkirin wê Bûrhan Karatay di nav me de bûya. Heke kesên rayedar ew ê nikaribin vê berpirsyariyê wergirtin divê dev ji peywira xwe berdin. Divê mafê girtiyan teqez were bicihanîn û hemû girtiyên nexweş ên di girtîgehan de werin berdan. Em diyar dikin ku derbarê kesên ku bûne sedema mirina Karatay em ê dest bi hewldanên zagonî bikin.”
