Aktîvîstê TCŞ, TÊKO-JIN û JXK’ê li bajarên Berlîn, Bordeûax û Marsîlyayê daketin qadan û daxwaza azadiya Rêberê Gelê Kurd Abdullah Ocalan kirin.
Ciwanên Kurd, çalakiyên xwe yên li dijî tecrîdkirina Rêberê Gelê Kurd Abdullah Ocalan dewam dikin.
BERLÎN
Aktîvîstên TÊKO-JIN û JXK’ê li paytexta Elmanya Berlînê, têkildarî tecrîda li ser Rêberê Gelê Kurd Abdullah Ocalan raya giştî agahdar kirin.
Çalakî li Berlîn-Leopoldplatzê saet di 15:00 de pêk hat.
BORDEAÛX
Aktîvîstên Tevgera Ciwanên Şoreşger (TCŞ) li bajarê Bordeaûx ê Fransayê li qada Grand Thatreyê li hev kom bûn û ji bo azadiya Rêberê Gelê Kurd Abdullah Ocalan çalakî li dar xistin.
Mîtîngê bi deqeyeke rêzgirtinê ji bo bîranîna şehîdên şoreşê yên Kurdistanê dest pê kir û daxwaza azadiya Abdullah Ocalan hate kirin.
Qisekeran diyar kirin ku azadiya Rêberê Gelê Kurd Abdullah Ocalan azadiya wan e û dirûşmên “Bijî Serok Apo”, “Bi hev re serhildan” qîriyan.
Çalakiyê bi qasî saetekê dewam kir.
MARSÎLYA
Li bajarê Marsîlya yê Fransayê jî aktîvîstên TCŞ’ê li hev kom bûn û ji bo şermezarkirina tecrîda li ser Rêberê Gelê Kurd Abdullah Ocalan çalakî li dar xistin.
Çalakî li parka Long Champê pêk hat û pankarta bi nivîsa “Azadî ji Abdullah Ocalan re” ya bi zimanê Fransî hate hildan.
