Ciwanên ji Tevgera Ciwanên Şoreşger û Jin ên Ciwan ên Azad, êrişên dewleta Tirk ên li ser Başûrê Kurdistanê şermezar kirin.
STRASBOÛRG
Ji bo şermezarkirina êrişên dagirkeriyê yên dewleta Tirk ên li ser Başûrê Kurdistanê, ciwanên endamên Tevgera Ciwanên Şoreşger û Jin ên Ciwan ên Azad pankart daliqandin.
Di çalakiyê de dirûşmên “Kujer Erdogan” û “Azadî ji Ocalan re” hatin qîrîn. Ciwanan her wiha wêneyê Rêberê Gelê Kurd Abdullah Ocalan û ala PKK’ê hildan.
KASSEL
Li bajarê Kasselê yê Elmanyayê di çarçoveya kampanya “Nehêle” de bi şiyara “Em ê rê nedin dagirkeriyê” endamên Tevgera Ciwanên Şoreşger û Jin ên Ciwan ên Azad mîtîngek li dar xistin û êrişên dagirkeriyê şermezar kirin.
Çalakî li Konîgplatzê pêk hat û alên TEV-DEM’ê û pankarta Elmanî ya bi nivîsa “Di demekê de ku cîhan hemû li dijî vîrûsa koronayê têdikoşe, Erdogan bi balafirên xwe yên şer bombeyan li Kurdan dibarîne” hildan.
