Ji destpêka meha Îlonê ve êrişên balafirên dewleta Tirk ya dagirker yên ser xaka Başûrê Kurdistanê zêde bûne.
Li gorî daneyên tîma Kurdistan-Iraqê (CPT) yê, tenê di nava sê rojên dawiyê de li Herêma Kurdistanê 48 dever hatine bombebarankirin.
Artêşa Tirk ya dagirker ji destpêka meha Cotmehê û vir ve êrişên xwe yên li ser herêmên gundê Gelala û çiyayê Qendîlê zêde kiriye.
HPG û Tîma Kurdistana Iraqê amarên 3 rojên dawî yên êrişên Tirkiyê eşkere kirin.
Li ser êrişên bênavber yên dewleta Tirk ya faşîst li ser xaka Herêma Kurdistanê, Endamê Tîma Kurdistana Iraqê (CPT) dibêje “ji destpêka meha Cotmehê ve artêşa Tirkiyê 48 deverên Herêma Kurdistanê bombebaran kirine.
Li gorî agahiyan, balafirên şer yên artêşa dewleta Tirk ya dagirker ji saet 19.00’an heta saet 19.30’an Çiyayê Kuris, Kelkî Kanî Tû û Xendek yên li sînorê gundê Gelale yê girêdayî bajarokê Mawat bi tundî bombebaran kirin.
Di heman bomberdûmanan de çiyayekî li nêzî gundê Basawê yê herêma Şînkayat ya bajarokê Mawat hate bombebarankirin.
Hêzên Parastina Gel (HPG) jî daneyên êrişên dewleta Tirk ya dagirker eşkere kir û wiha goti bû;
“Di 3’yê Cotmehê de artêşa Tirk ya dagirker heft caran li pey hev Herêmên Parastinê yên Medyayê bombebaran kirin.
Lê derbarê windahiyên hêzên me de tu agahî nehatin bidestxistin.
Herwiha 2 caran bi bombeyên qedexe, 10 caran bi çekên kîmyawî û 20 caran jî bi balafirên bêmirov û biçek çeperên me hatine bombebarankirin.”
