Dewleta Tirk a dagirker û çeteyên wê li zeviyeke darên xoxan ya li Efrînê ku 500 dar lê hene, mêtingehek ava kirin.
Emîn Mihemed diyar kir ku ew, di sala 2018`an dema dewleta Tirk a dagirker û çeteyên wê Efrîn dagir kirin, neçar ma mal û zeviyên xwe terk bikin.
Mihemed, diyar kir ku ew niha li Qamişlo dimîne û got; Min di navbera Cindirês û gundê Hemlikê de, 2 hektar û 500 donîmî darên xoxan çandibûn û bîrek jî dabû kolandin. Lê dagirkeran tevahiya daran birrîm û li şûna daran jî mêtingehek avakirin û kesên biyanî li wir bi cih kirine.
Dewleta Tirk û çeteyên wê, tenê Efrîn dagir nekirin, xweza Efrînê jî tune kirin, Dewleta Tirk û çeteyên wê, bahxçeyên niştecihan teva birrîn û got; Ev tunekirina nimeta Xwedê ye û wijdan qebul nake.
Ev erd û baxçe nê yê dewleta Tirkiyê ne. divê cîhan vê zilmê qebûl neke. Sucê mirovaniyê tê kirin. Çeteyan û malbatên Filistînî tînin li cihûwarên me bi cih dikin. Anîna malbatên Filîstînî sucê li dijî gelê Filîsînî ye. Ev tê wateya valakirina xaka Filîstînê. Nabe ku van kesên biyanî bînin û li xaka Sûriyeyiyan bi cih bikin.
Mihemed diyar bang li NY û Yekitiya Ewropa kir ku li hemebrî zilm û zordariya dewleta ku sînoran nasnake dengê xw ebilinds bikin.
