Şerê di navbera leşkerên artêşa Tirk a dagirker û çeteyên girêdayî wê ji saetên destpêkê yên sibehê ve li navenda bajarê Efrînê rû dide. Şerê piştî ku leşkerên artêşa Tirk fermana tesfiyekirina çeteyên “Ehrar El-Şerqiya” û Şayîtan da li gelek kolanên bajarê Efîrnê, Çerxerêya Newroz a li ser rêya herêma Racoyê, Kolana Vêlat û Taxa Efrîna Kevin berfireh bû.
Li gorî agahiyên ku çavkaniyên herêmî dane di şer de kuştî û birîndarên herdu aliyan hene.
Li aliyekî din ve, dîmen û wêneyên şer û termên li kolanan hatin li malperan hatin belavkirin.
Şer heya niha didome.
Ji aliyek din ve, Li gorî agahiyên ji çavkaniyên xwecihî hatine bidestxistin, balafirên şer ên dewleta Tirk a dagirker li ser asîmanên Efrînê digerin.
