Ayla Akat Ata ku ji sala 2018’an ve girtîbû, di danişîna duh de ji Girtîgeha Girtî ya Sîncanê bi 4 siyasetmedaran re hat tehliyekirin.
Ayla Akat axivî û got ji bo piştgiriya jinan û gel her wiha têkoşîna wan spasî kir û diyar kir ku dê têkoşîn di her warî de bidome.
Doza Kumpasa Kobanê rojeva esas a salên dawiyê bû.
Em bi xemgînî ji girtîgehê derketin.
Hem ji ber ku bi deh salan ceza li hevalên me yên dosyayê birîn, hem jî hevalên ku li dû me man em xemgîn in.
Girtîgeh cihên girîng ên têkoşîna bi salan in.
Têkoşîna ku bi salan e gelê me didomîne û nirxên ku bi bedelan hatine dayîn hene.
Em li ber têkoşîna gel bi rêzdarî xwe ditewînin.
Di heman demê de ji ber ku em perçeyek vê têkoşînê ne em şanaz in.
Ez bawer dikim ku di pêvajoya li pêşiya me de dê pêvajoyeke ku îradeya gel were pejirandin bi xwe re bîne.
Di vê merheleyê de gelek tiştên ku werin gotin hene.
Beriya her tiştî em ji gel û partiya xwe re û me bi tenê nehiştin spasî dikin.
Ev yekitî û bihevrebûn, nîşan dide ku li welat gelek tişt dikarin werin guhertin.
Tevî zehmetiyeke ewqas mezin jî em perçeyek ji berxwedana ku hatiye nîşandan û tiştên hatine bi destxistin in.
Ev têkoşîn didome. Em li gel pîroz dikin, li pêşiya ked û nirxên ku gel afirnadine em bi rêzdarî xwe ditewînin.”
