Berpirsyarê ragihandinê yê Meta’yê Andy Stone ji AFP’ê re axivî û got, “Ji ber dagirkeriya Rûsyayê ya li ser Ûkraynayê, em ji bo gotinên siyasî yên ‘mirin ji dagirkerên Rûs re’ ku pîvanên me binpê dike, bi xweşbînin.”
Li gorî akademîsyenekî Atlantic Councilê Emerson Brooking jî nêzîkatiyên bi vî rengî yên kêmdîtî yên Meta’yê, hewldanek ji bo ahengiya li rewşa guherîner û aloz e.
Brooking ku di mijara dezenformasyona li ser înternetê de pispor e wiha axivî, “Facebook bi rengekî rasteqîn hewl dide pîvanên şer binivîsînin. Şer û tundî bi hev ve girêdayî ye, cihêkirina wan ji hev nepêkane.”
Facebook îdîa dike ku guhertinên pêşniyar dike li dijî gelê Rûs nîne, lê belê Emerson Brooking dibêje, ji lîderên siyasî û leşkerî wêdetir rîsk heye ku zerarê bide gelê Rûs.
Facebookê beriya niha di Hezîrana 2021’ê de du hefteyan destûr dabû weşandina peyamên ‘mirin’ ji lîderê olî yê Îranê Ayetullah Elî Hamaney re.
Twitterê pîvanên xwe yên li ser peyamên têkildarî tundiyê hîn neguhertiye. Tevî vê yekê jî peyama senatorê Emerîkî Lindsey Graham a hefteya derbasbûyî ku ji bo kuştina Serokdewletê Rûs Vladimir Putin bang kiribû, hîn ji aliyê Twitterê ve nehate jêbirin.
Li gel pêkanînên dewletên Rojavayî, Facebookê jî hesabên medya Rûs ên nêzî desthilatdariyê pênase dike, girtibû. Moskowayê jî Facebook li ser xaka xwe qedexe kir. Bikaranîna Twitterê jî li Rûsyayê bi zor û zehmetî dibe.
Piraniya hîmên bingehîn ên teknolojiya Emerîkî pêwendiya xwe ya bi Rûsyayê re qut kir. Microsoft û Apple’yê firotina berheman li Rûsyayê rawestand. Netflix, Intel an jî Airbnbê karên xwe yên li Rûsyayê sekinand.
Google ku êdî reklaman li Rûsyayê nafiroşe, roja Pêncşemê bi daxuyaniyekê ragihand ku wê rojên bê bernameyên bi pere jî rawestînin.
