Li gorî AFP’ê ku bi daneyên fermî hesab kiriye, li derveyî Çînê 1115 kes ji ber şewba Covîd-19 jiyana xwe ji dest dan.
Li gorî daxuyaniya êvara Sêşemê ya meqamên Îtalyayê, 168 kesên din jiyana xwe ji dest dan. Ev yek rekoreke dramatîk e ku di nava 24 saetan de rû da. Hejmara mirovên li gelemperiya welêt jiyana xwe ji dest dan 631 derbas kir. Îtal bi vî rengî bû welatê destpêkê yê li Ewropayê û welatê duyemîn ê li cîhanê ku herî zêde mirov ji ber vîrûsê lê jiyana xwe ji dest dan.
Ji ber ku vîrûs li derveyî Çînê bi lez û bez belav dibe, Rêxistina Tenduristiyê ya Cîhanê (WHO) diyar dike ku rewş ber bi pandemiyê ve diçe. Li Îranê zêdeyî 8 hezar nexweş pê ketine û nêzî 300 kes mirine. li Spanyayê hejmara nexweşan 1600 kes derbas kir. Li Fransayê 1784 kes bi vîrûsê ne û 33 kesî jiyana xwe ji dest dan.
Ji Kanûna 2019’an dema ku vîrûs li Çînê rû da û vir ve bi 116 hezar kesî ketiye. Zêdeyî 4 hezar kes ji ber vîrûsê mirin. Di rewşa heyî de li 105 welatan teşhîsa vîrûsê hatiye danîn. Li gorî UNICEF’ê ji ber şewbê li 15 welatan dibistan hatine girtin û vê yekê bandor li 363 milyon ciwanî kiriye.
