Rayedarên dewleta Tirk, di hefetaya bûrî de, serlêdanên Parêzerên Rêberê Gelê Kurd Abdullah Ocalan û serlêdana malbata Rêber Ocalan û girtiyên din yên li Imralî red kirin û hevdîtina parêzer û malbatan asteng kirin.
Di hefteya bûrî de, Parêzerên Rêber Ocalan û girtiyên din yên li Imralî, roja Sêşemê ji bo roja Çarşemê biçin Imralî, roja Pêncşemê ji bo roja Înê biçin Imralî û hevdîtina bi muwekîlên xwe re pêkbînin serî li Serdozgeriya Komarê ya Bursa dan.
Lê Rayedarên Dewleta Tirk, bersiv nedan, her du serlêdanên parêzeran û hevdîtina bi muwekîlê wan re asteng kirin.
Di hefeta bûrî de, Birayê Rêberê Gelê Kurd Abdullah Ocalan Mehmet Ocalan û wasiyê wî Mazlûm Dînç û Mlabatên sê girtiyên din yên yên li Imralî jî, bi riya parêzerên xwe serî li Serdozgeriya Komarê ya Bursa dan û daxwaz kirin ku biçin Imralî û bi xizmên xwe re hevdîtinê bikin.
Lê rayedarên Dewleta Tirk, bêyî ku sedemekê nîşan bidin, serlêdana malbatan red kir û hevdîtina malbatan bi xizmên wan re asteng kirin.
