Li Herêmên Parastinê yên Medyayê şerê li dijî dagirkeriyê bi dijwarî dewam dike.
Navenda Ragihand û Çapemeniya HPG’ê der heqê şer de agahî dan.
Li gorî daxuyaniyê;
Li Herêma Rojavayê Zapê ya Şehîd Delîl;
Gerîlayên YJA Starê 17’ê Îlonê ji şefeqê heta bi danê êvarê li Qada Berxwedanê ya Girê Cûdî bi çekên giran li dagirkeran xistin.
Gerîlayan di encama çalakiyan de derb li 5 çeperên dagirkeran xistin.
Gerîlayên YJA Starê li dora saet 8’ê êvarê li Qada Berxwedanê ya Girê Cûdî bi terzê sekvaniyê li dagirkeran dan.
Di encama çalakiyê de dagirkerek hat kuştin.
17’ê Îlonê li Qada Berxwedanê ya Girê Amediyê jî çalakiya gerîlayan hebû.
Gerîlayan avêt ser dagirkerên dixwestin li qadê bi cih bibin.
Li herêma Zapê;
Gerîlayan 16’ê Îlonê li Qada Berxwedanê ya Sîdayê bi çekên giran li dagirkeran xist.
Li herêma Metînayê;
Gerîlayan 17’ê Îlonê bi şev li Qada Berxwedanê ya Girê Ortê hêzên dest li liv û tevgera helîkopteran werdan.
Bi çekên nîv otomatîk derb li helîkoptereke êrişê hat xistin. Helîkoptera ku derb xwar neçar ma ji qadê biçe.
Gerîlayan dest werda helîkotereke Skorsky jî ku dixwest hêzên xwe li qadê deyne.
Helîkopter jî bêyî ku karibe hêzên xwe bi cih bike, neçar ma ji qadê biçe.
Artêşa Tirk a dagirker ku ji gerîlayan derb xwarin, herêmên Rojavayê Zapê ya Şehîd Delîl, Zap û Metîna bi helîkopteran û bi topan bombe kirin.
