Hevserokatiya Konseya Rêveber a KCK’ê, piştî rûniştina biryarê ya Doza Kûmpasê ya Kobanê daxuyaniyek da, cezayên hatin birîn şermezar kir û got; Biryar rastiya AKP’ê nîşan dide.
Bi Doza Kûmpasê ya Kobanê re girîngiya têkoşînê careke din eşkere bûye.
Mezinkirina têkoşînê bi piştevanî û yekîtiyê ji bo hêzên demokrasî û siyaseta demokratîk pêwîstiyek ku nebe nabe ye.
KCKe got; Doza Kûmpasê ya Koban parçeyek ji polîtîkayên qirkirina Kurdan e û bi armanca tasfiyekirina siyaseta demokratîk hatibû vekirin, bi dehan rêveber, endam û siyasetmedarên HDP’ê bi cezayên giran hatin ceza kirin.
Desthilata faşîst a AKP-MHP’ê mohra xwe skandalek nu da.
Ev doza ku diyardeya herî zelal a zîhniyeta dijî-kurd e, tu eleqeya wê bi hiqûqê re nîne.
Ev kûmpas, ji aliyê desthilatdariya faşîst a AKP-MHP’ê ve hate pêşxistin û dozeke siyasî ya qirkirinê ye.
Dadgeh jî dadgeha qirkirinê ye. Ti meşrûiyeta biryarê nîne û dozeke ku hatiye mehkûmkirin e.
KCK diyar kir ku desthilatdariya faşîst a AKP-MHP’ê ji bo siyaseta demokratîk bêdeng û tasfiye bike, çareseriya pirsgirêka Kurd asteng bike ev doz vekir.
Ev doz, di warê eşkerekirina têkiliya xurt ya di navbera nêzîkatiya gelê Kurd û pirsgirêka kurd û nêzîkatiya demokrasiyê de pir girîng e.
Desthilatdariya AKP-MHP’ê ku di qirkirina Kurdan de israr dike, Tirkiye gihandiye asteke ku li ser navê hiqûq, edalet û heqanet tiştek nehiştiye, dewlet bi temamî ji aliyê çete, mafya û mêtingeran ve hatiye xespkirin.
Civak jî di nava xizanî û feqîriyeke mezin de hiştiye.
Ji ber vê yekê encama herî bingehîn ya ku ji vê rewşê tê derxistin ew e ku her kesê alîgirê demokrasî, azadî û pergala demokratîk e, divê di çarçoveya demokratîkbûna Tirkiyê û çareseriya demokratîk a pirsgirêka Kurd de hêzên xwe bigihîne hev.
KCKe got; Bi Doza Kûmpasê ya Kobanê re girîngiya têkoşînê careke din eşkere bûye.
Mezinkirina têkoşînê bi piştevanî û yekîtiyê ji bo hêzên demokrasiyê û siyaseta demokratîk pêwîstiyeke ku nebe nabê ye.
Bingeha demokratîk bi îmha û derbaskirina faşîzmê pêkan dibe.
Ev yek bi têkoşîna yekbûyî ya hêzên demokratîk ên şoreşger pêkan e.
Di vê pêvajoyê de encama bingehîn a ku divê em jê derxin ev e.
Desthilatdariya faşîst a AKP-MHP’ê bi gelê Kurd, gelên Tirkiyê, paşerojên civakê, demokrasî, azadî û hiqûqê re di nava şer de ye.
Gotinên nermbûnê xapandin e.
Biryarên di Doza Kûmpasê ya Kobanê de hatin girtin rastiya AKP’ê derxist holê.
Di heman demê de nêzîkatiya li hemberî Kurdan û siyaseta demokratîk a Tirkiyeyê û demokrasiyê ye jî.
Divê her kes bi vê zanînê tevbigere, têkoşînê esas bigire û berfireh bike.”
