Hevserokatiya Konseya Rêveber a KCK’ê, di mebesat salvegera dardekirina Şêx Seîd û hevalên wî, daxuyaniyek da û got; Dardekirina Şexê Seîd û hevalên wîç di 29’ê Hezîrana 1925’an tu caran nehatine jibîrkirin û neyên jibîrkirin.
KCKe dazanîn ku darvekirina Şêx Seîd û hevriyên wî, encama zîhniyeta înkara Kurdan e.
Bi avabûna Komarê re, hebûna gelê Kurd hat înkar kirin, sozên dabûne gelê Kurd neanîne cih û gelê Kurd ji mafên xwe yên neteweyî û demokratîk bêpar hiştin.
Gelê Kurd li hemberî vê siyaseta înkarê, bi pêşengiya Şêx Seîd û hevriyên wî têkoşîn kir.
Ji ber vê yekê, têkoşîna Şêx Seîd û hevriyên wî rewa û demokratîk e û di dîroka Kurdistanê de xwedî cihekî girîng e.
Helwest û têkoşîna gelê Kurd ya li dijî înkar, tinekirin û qirkirinê îfade dike. Ev pêvajo girîng e,
Avabûna zîhniyet û siyaseta li ser bingeha qirkirina Kurdan, bi tepisandina tevgera Sêx Seîd û dardekirina pêşengên tevgerê destpê kir û ev pêvajo heta îro jî dewam dike.
Piştî vê dîrokê, li Kurdistanê pêvajoya komkujiyan destpê kir, li Agirî, Dersim û Zîlanê û gelek deverên din qirkirin hatin kirin.
Rêber Apojî, nêzîkatiya dewletê ya li hember serhildana Şêx Seîd, weke dîroka destpêka qirkirina li dijî Kurdan pênase dike.
Piştre bi Planê Şark Islahatê kanunên faşîzan çêkirin. Plana Şark Islahatê jî, ji bo qirkirina Kurdan e û li Tirkiyê yekane qanûna ku kirin pratîkê jîç kanûna qirkirina Kurdan e.
KCKe got; Îro jî ev siyaseta mêtinger û qirker ji aliyê desthilatdariya faşîst ya AKP-MHP’ê ve tê temsîlkirin û meşandin.
Desthilatdariya AKP-MHP’ê, di sedsala duyemîn ya komarê de, diyar kir ku ew ê Tevgera Azadiya Kurd tasfiye bikin û qirkirina Kurdan bi encam bikin, hebûna Kurdan ji holê rakin.
Bi vê armancê jî serî li êrîşên herî berfireh, dagirkerî û komkujiyan da.
Tecrîda mutleq a li ser Rêber Apo, êrîşên li ser gel û Tevgera Azadiyê, êrîşên dagirkeriya li ser Rojava, vala derxistina îrada gel ya bi polîtîkayên desteserkirina şaredariyan û pêkanînên şerê taybet bi vê armancê ve girêdayî ye.
Lê gelê Kurd berxwedana herî berfireh ya dîroka xwe li dijî faşîzma AKP-MHP’ê pêşxist û pêşî li vê siyaseta qirêj girt.
Gelê Kurd bi vê helwesta xwe tola Şêx Saîdan, Seyîd Rizayan û Qazî Mûhammedan hilanî û wê hilîne.
KCKe herî got; Faşîzma desthilatdariya AKP-MHP’ê teşhir bûye û ketiye rewşek ku nema dikare ser piyan bimîne. Gelê me, karker û kedkar, jin û hemû hêzên demokratîk, sosyalîst û azadîparêz dikarin têkoşîneke hevpar û yekbûyî bimeşînin û dawî li vê rejîma dagirker, qirker, desteserker a AKP-MHP’ê bînin û rê li ber Kurdistana Azad û Tirkiyeya Demokratîk vekin.
