Hevseroka KCD’ê Leyla Guven a li ser banga Ocalan çalakiya xwe ya greva birçîbûnê ya 200 rojan bi dawî kir, li nexweşxaneya lê dihat dermankirin tabûrcû bû. Guven, a hat tabûrcûkirin, got: “Ji bo ku di demek nêz de gelê xwe hembêz bikim, ezê hîn xurttir vegerim.” Li gel peyama Rêberê PKK’ê Abdullah Ocalan Hevseroka Kongreya Civaka Demokratîk (KCD) û parlementera Partiya Demokratîk a Gelan (HDP) ya Colemêrgê Leyla Guven di roja 200’emîn de greva birçîbûnê ku dabû destpêkirin bi dawî kir û li nexweşxaneyê dihat dermankirin. Leyla ji nexweşxaneya ku lê dihat dermankirin hat taburcukirin.  KCD’ê taburcîkirina Leyla Guvenê li ser malpera xwe ya fermî piştrast kir. Di  daxuyaniya ku li ser malpera fermî ya KCD’ê hat dayîn de hat diyar kirin ku, Leyla hatiye taburcu kirin  lê kontrola wê ya tenduristiyê dê berdewam bike.  ‘EZÊ HÎN XURTTIR VEGERIM’ Keça Leyla Guven Sabîha Temîzkan jî, li ser hesabê xwe yê Twîtterê, derbarê dayîka xwe de ev parvekirin kir: “Dayika min Leyla guven ji bo ku bigihije tenduristiya xwe ya berê, em neçar man ku heya demê navber bidin serdanan. Niha silavên xwe ji hemû kesên ku dixwazin wê bibîn re dişîne. Dibêje, ‘Ji bo ku di demek herî nêz de di serî de gelê Colemêrgê, hemû gelê xwe hembêz bikim, ezê hîn xurttir vegerim.'”