Rêveberên herêmî ragihandin ku êriş li herêmeke li ser sînorê Nîjerê qewimî.
Li gundê Ouatagouna, Karou û Deoutguefê bi hevdemî roja Yekşemê saet di 18:00 de êriş hate kirin.
Li gorî daxuyaniya destpêkê 40 kes hatin kuştin û gelek kes jî birîndar bûn. Di daxuyaniya dawî de jî hate ragihandin ku 51 kes hatine kuştin. Li gorî agahiyan êrişkaran malên li gundên navborî talan kirin û piştre jî şewitandin.
Berdevkê artêşa Maliyê serheng Suleyman Dembele êriş piştrast kir, lê belê agahiyên berfireh neda.
Şahidan û çavkaniyên xwecihî jî diyar kirin ku êrişkar li pêşiya gund bi cih bûn û gule li seranserê gund reşandin. Heta niha kesî berpirsyariya êrişê nedaye ser milê xwe.
