Li Kampa Morîa ya ku yek ji kampa herî mezin e, roja Yekşemê agir pê ket. Li gorî hin çavkaniyan herî kêm 2 koçber mirine. Koçberekî diyar kiriye ku wan 3 cenaze ji nav agiran derxistine. Bi balefira tefandinê şewata li kampê hate tefandin.
Piştî vê bûyerê koçberên li kampê diyar kirin ku alîkarî dereng hatiye û nerazîbûn nîşan dan. Polîsan bombeyên gazê avêtin koçberan.
Çavkaniyên herêmî diyar kirin ku agir bi nava kampê ketiye û şeş heft konteynir û malek şewitîne.
Koçberekî ku ji AFP’ê re axivî diyar kir ku îtfaîye 20 deqîqe piştre hatiye û ji ber vî tiştî ew jî hêrs bûne.
Penaberê Efgan ê bi navê Fedûz diyar kir ku nîv saetê şewat tefandineû got “Me cesedê du zarokan û ya jinekê ji nav agiran derxist.”
Li vê kampê 13 hezar kes hene lê ev kamp ji bo 3 hezar kesan hatibû amadekirin.
Li Yewnanistanê nêzî 70 hezar koçber û penaber hene.
