Ajansa Nûçeyan a Hawar ANHA’yê nasnameya sivîlên ku dewleta Tirk weke ‘şervanên YPG’ê’ ragihandibû, eşkere kir.
Dewleta Tirk a dagirker serê meha Îlonê 9 sivîlên ku bi îdîaya şervanên YPG’ê ne revandîbû, derket holê ku kesên hatine revandin welatiyên gundê Omera yê navçeya Mabeta a Efîrînê ne. Dewleta Tirk a dagirker serê meha Îlonê ragihandibû ku li Efrînê 9 şervanên YPG’ê girtine û birine Tirkiyeyê. Di çapemeniya Tirk de ev bûyer weke nûçeya lezgîn hatibû ragihandin û wêneyên kesên hatine revandin hatibûn weşandin.
Fermandariya YPG’ê piştî bûyerê daxuyaniyek dabû û diyar kiribû ku kesên hatine revandin sivîlin û tu têkiliya wan bi hêzên wan ve re nîne. Derkete holê ku kesên hatine revandin sivîlên gundê Omera ya navçeya Mabata ya Efrînê ye û tu têkiliyên wan bi YPG‘ê re tuneye.
Navê sivîlên hatine revandin wiha ne;
Fîras Fayîq Kelkawî
Hemûdê Xelosî Cafer
Îbiş Mihemed Miho
Mesûd Mecîd Kelkawî
Cengîz Mustefa Nesan
Ehmed Mihemed Îbiş
Reşîd Sebrî Meho
Idrîs Mustefa Nesan
Hisên Ehmed Kelkawî.
