Endama Navenda Lêkolînê ya ji bo Demokrasiyê ya li Îtalyayê hiqûqnas Michela Arricale piştgirî da pêngava ‘Ji Ocalan re azadî, ji piskgirêka kurd re çareseriya siyasî’ ku 10’ê cotmehê li 74 navendan hate despêkirin
Parêzer Michela Arricale got:
“Tecrîda li İmrmaliyê li derveyî her cûre qanûnên neteweyî û navneteweyî ye, binpêkirina pîvanên Hiqûqa Înfaza Ceza ya Navneteweyî ye.”
Parêzer Michela Arricale bêdengiya saziyên navneteweyî ya li hemberî tecrîda li Îmraliyê rexne kir û têkildarî helwesta CPT ku rapora Îmraliyê eşkere nake wiha axivî:
“Hûn nikarin bi devkî bînin ziman, hingî hûnê karibin ragihînin. Ji ber ku agahîwernegirtina demdirêj dibe sedem ku pîvaneke hiqûqî ya wisa biafirîne ku serdest li ser hemû mirovan xwedî hêza jiyankirin û mirinê bin. Ev rewş bi pîvanên hiqûqa hemdem nikare bê vegotin. Tecrîda Îmraliyê teqez li dijî pîvanên hiqûqa demokratîk a hemdem e.”
Parêzer Arricale ragihand ku ewê zextê li CPT bikin û got, “Niha di asta navneteweyî de em hewl didin li nava Yekîtiya Parêzeran a li Konseya Ewropayê vê yekê bikin. CPT qet nebe divê rapora xwe eşkere bike.”
Hevseroka Koma Destwerdana Hiqûqî ya Navneteweyî parêzer Michela Arricale destnîşan kir ku ji bo azadiya Ocalan divê pîvanên hiqûqî yên navneteweyî bi rengekî rast bên şîrovekirin û got:
“Ji bo vê jî divê em bikevin nava liv û tevgerê û bi Ocalan re bin. Ev yek ji bo me niha cewhera têkoşînê ye. Ev têkoşîn wê hem li nava welêt hem jî di asta parêzerên pêşverû yên Ewropî de bê kirin.”
