Saziyên Fransî li ser zextên siyasî yên Fransayê yên li ser Kurdistanî û siyasetmedarên Kurd helwest nîşan dan û gotin,”Dema wê hatiye ku PKK ji nav lîsteya terorê were derxistin.”

Saziyên Fransî li dijî zexta Fransayê ya li ser Kurdan û saziyên Kurdan helwest nîşan dan.

Navenda Civaka Kurd a Demokratîk a Marsîlyayê (CDKM), Lîga Mafê Mirovan Marsîlay (LDH), Meşa Jinan a Cîhanî (MMF), Tevgera Dijî Nîjatperestiyê û Dostaniya Nav Gelan (MRAP), Tevgera Aştiyê, Partiya Nû ya Antîkapîtalîst (NPA), Partiya Komunîst a Fransî (PCF), Partiya Çepgir 13 -Piştevanî û Azadî-Porvence-Yekîtiya Departmanan CGT, li dijî operasyon û destgîrkirin û zextan a li ser Kurdan daxuyaniyek hevpar dan.

Di daxuyaniya hevpar de operasyonên destgîrkirinê yên li ser Kurdan hate şermezarkirin.

Di daxuyaniyê de hate bibîrxistin beriya civîna 25-26’ê Adarê ku wê têkiliyên Yekîtiya Ewropayê (YE) û Tirkiyê were nî    qaşkirin, li ser xaka netewî ya Fransayê Kurd weke ku sûcdar bin êrîş bi ser wan de hatiye, hate gotin, ”Bi çarçoweya têkoşîna dijî terorê 23’yê Adarê dozgeriyê li Fransayê gelek operasyonên polîsî kirine. Li Marsîlyayê gelek aktivîstên Kurd destgîr kirine, li mal û avahiyên wan geriyane. R.T. Erdogan ku di nav ketinê û ekonomiyeke xirab de ye, eynî kêliyê biryara sindoqê nasnake û bi qederxekirina HDP’ê xwe hazir dike ku mafê ji 6 milyonî zêdetir hilbijêr binpê bike. HDP’ê tawanbar dike bi hinceta ku vitrîna PKK’ê ye. Li Tirkiyê ku derb li mafê mirovan tê xistin, hemû kesên rexne dikin bi ‘terorîzm’ê têne asîmîlekirin, hemû mekanîzmayên îmhakirinê ji bo ku ji Kurdan re rêya hilmê nehêlin têne bicihkirin, zexta li ser Kurdan nikare were qebûlkirin.”

Bi berdewamî hate gotin eynî hişmendiyê xwe gihandiye Kurdên li Fransayê jî û hate domandin, ”Dema ku mirov li ast û dubarekirina van operasyonan dinere, hikûmeta Fransayê her cure komeleyê û milîtnaiya Kurd weke nûnerê sûcdarên şer ên taloke dideqîne. Aşkere ye, berdêla lihevkirine, ji bo ku li Tirkiyê demokrasî were danîn, divê Kurdên li Fransayê sûc werin dîtin ku li gorî yasayên Fransayê xebatên yasayî û aştîxwazî dikn. Duh, Fransa jî di nav de, civaka navnetewî ku di têkoşîna dijî DAÎŞ’ê de pişta xwe dayî Kurdan, niha jî bi tinazkarî û guherîna polîtîk a dirû, bûne parçeyek ji R.TErdogan û şerê gemarî yê propangdaaya millîyetgir û radîkal.

Hûn lîderên Fransayê û Ewropayê, em vê pirsê ji we dikin: Terorîst kî ne? Ên ku seriyan jêdikin an ên ku mirovan ji van kesan ku seriyan jê dikin diparêzin?

Lîderên Fransayê û Ewropayê, em vê pirsê ji we dikin: Hûn tevlî wê rêgezê dibin ku bi sed hezaran girtiyên siyasî û ûcdanî yên li girtîgehên Tirk bi hincetên neheq ku dibêjin, ‘terorîst in’, têne rizandin û dimirin?

Êdî dema wê ye ku PKK ji nav lîsteya terorê were derxistin. Fransa jî di nav de welatên endamên Ewropayê ji hêla dada Ewropayê ve xwe li derveyî hiqûqê bi cih dikin. Zêdekirina PKK’ê ya li nav rêxistinên terorê, weke ku di biryara T-316/14’an de ku 15’ê Mijdara 2018’an Dîwana Edelatê ya Yekîtiya Ewropayê dayî, deryasayî ye.

Lîderên Fransayê û Ewropayê, pêşniyara me jli we ev e: Li Fransayê û Ewropayê bes bi ser Kurdan de biçin û dozên neheq ên li ser Kurdan rawestînin. Dawî li cezanekirina rejîma Erdogan û polîtîkayên lihevkirinê yên ji bo vê biqedînin. Vê nedadiyê û tundiyê rawestînin û nirxên mirovî li navenda tiştên girîng deynin.”