Nerazîbûna gel a li hemberî êrîşa dewleta Tirk a li ser Şengalê didome.
Bi hezaran welatiyên Kurd, Ereb û Suryan ên bajarê Qamişlo bi meşekê êrîşa dewleta Tirk a li ser Şengalê ku di encamê de Endamê Koordînasyona Civaka Êzidî Zekî Şengalî şehîd bû, şermezar kirin.
Di meşa ku ji çerxeriya Sewamai ya taxa Eneriyê dest pê kir de, wêneyên şehîd Zekî Şengalî, posterên Rêberê Gelê Kurd Abdullah Ocalan û alên YPG û YPJ‘ê hatibûn hildan. her wiha pankartên”Tolhildan Tolhildan Tolhildan, li Şengalê berxwedan e û Qamişlo serhildan e” hatibûn vekirin.
Meş li kolanên sereke yên taxa Enteriyê geriyan, di wê navberê de dirûşmeyên “Bi can bi xwîn em bi te re ne şehîd, kujer Erdogan, tolhildan û li Şengalê berxwedan e û Qamişlo serhildan e beriz dikirin.
Meş li ber goristana Şehîd Delîl Sarûxan veguherî mîtîngê.
Li vir cangoriyên azadiyê hatin bi bîr anîn.
Li ser navê Rêveberiya Xweseriya Demokratîk Mezlûm Ysûif axivî. Yûsif şehîd Zekî Şengalî bi bîr anîn û soza şopandina xeta wî da.
Yûsif her wiha got, “Gelê Kurd rastî gelek komployan hat, ya destpêkê li hemberî Rêberê Ocalan be, her wiha qetilkirina hersê jinên têkoşer li Parîsê, dagirkirina Efrînê û êrîşa dawî ya li ser Şengalê. Êrîşa li ser Şengalê komployeke nû li dijî gelê me bû. Heger hikûmeta Iraq û Başûrê Kurdistanê helwesta xwe diyar nekin ev tê wateya ku ew jî şirîkên qetilirina gelê Kurd in.”
Çalakî bi dirûşmeyan bi dawî bû.
