Hevserokên giştî yên DEM Partî, Tulay Hatîmogûllari û Tuncer Bakirhan, di roja 3’mîn ya Cejna Qurbanê de, serdana şaredariyan kirin.
Tulay Hatîmogûllari şaredariyên Şirnexê û Bakirhan jî yên Mûşê ziyaret kirin.
Tulay Hatîmogûllari û şandeya pê re ewil Şaredariya Kerboran ya Mêrdînê ziyaret kirin, piştre çûne navçeya Hezexê û Şaredariya Deşta Darê ya navçeya Hezexê û cejna gel pîroz kirin.
Tuloay hatimogullari û şande pe re, derbasî Şaredariya Cizîrê bûn û çûne ser gora, Kurê Orhan Tûnç, ku di dema qedexeyên derketina derve de hatibû şehîdkirin.
Hatîmogûllari, li ber avahiyê şaredariyê jî cejna velatiyan pîroz kir û got;
Desthilata AKP’ê piştî hilbijartinê qala asayîbûnê kir.
Derewa AKP ya asayîbûnê li Colemêrgê eşkere bû.
Em jî li dijî vê zext û zora faşîzan têkoşîna xwe bidomîn.
Gel êdî texrîbatên ku qeyûman kiriye dizanin û bi tu awayî sîstema qeyum qebûl nake.
Tûlay Hatîmogûllari herî dawî serdana şaredariyên Silopiya, û Bajarokê Gundikê Melê yên girêdayî Şirnexê kir û bi welatiyan re cejna hev pîroz kirin.
Tuncer Bakirhan û şandeya pê re jî çûne serdana şaredariyên navenda Mûş, Milazgir, Gimgim, Kopê û şaredariya bajarokê Ovakişla ya Bedlîsê.
Bakirhan di serdana Şaredariya Mûşê de axivî ûgot:
“Mûş di dilê me de her tim xwedî cihekî taybet e.
Ji ber ku tu caran xizmetê nedît, gelê me li benda xizmetê ma.
Heya îro ji bo jinan tu xizmetên berbiçav nehatine kirin.
Çavkaniyên Şaredariya Mûşê ji malbateke, ji alîgirîn AKPê hatine pêşkeşkirin.
Lewma wê Mûş xizmeta ku heq kiriye bibîne.
Ez, carekî din hevşaredarên me pîroz dikim.
Em ê bi feraseta ku xizmetê dide tevahiya Mûşê tevbigerin.
