Dîrektorê Nexweşxaneya San Raffaele ya li bajarê Mîlana Îtalyayê Dr. Alberto Zangrîllo ji televîzyona RAÎ re axivîbû. WHO jî li ser axaftina wî diyar kir, şaş e ku mirov bibêje asta belavbûna koronavîrusê ketiye.
Dr. Zangrîllo îddîa kiribû ku vîrusa SARS-CoV-2 ya ku bûbû sedema Covîd-19’ê li Îtalyayê ji holê rabûye. Dr. Zangrîllo diyar kiribû ku di testên dawîn de barê vîrusê li gorî du meh berê kêmtir bûye.
WHO: HÊ JÎ GELEK KES JI BER VÎRUSÊ DIMIRIN
WHO’yê jî diyar kir ku “Li holê tu zanîn tuneye ku mirov bibêje ev vîrus kêmtir bûye patojen.”Rêveberê Bernameya Mudaxeleya Lezgîn a WHO’yê Mîchael Ryan jî got ku “Her roj bi hezaran kes ji ber koronavîrusê dimirin”.
Heta niha 6,2 milyon kes bi şewba Covîd-19’ê ketine û ev jî tenê kesên ketine testê ne. Hejmarên rastîn zêdetir e. Heta niha 374 hezar kes jî ji ber Covîd-19’ê mirine. Li Çîn, Ewropa û DYE’yê belavbûna vîrusê hatiye kêmkirin lê li welatên Emerîkaya Başûr, Rûsya, Efrîka û li hin welatên Asyayê jî belavbûna wê kêm nebûye.
