YPG’ê 8 şervanên şehîd bi bîr anî

Navenda Ragihandin û Çapemeniyê ya YPG’ê nasnameya 8 şervanên YPG/YPJ’ê eşkere kir ên ku di Berxwedana Serdemê ya Efrînê de şehîd bûbûn.

Di daxuyaniya YPG’ê de ev tişt hate diyarkirin:

“Şoreşa Rojava di dîroka xwe ya berxwedanê de gelek lehengên mezin afirand. Li dijî şerê dagirkerî û tune kirinê ku li gelê me tê ferz kirin, civata fedayî yên ku xeyalên azadiya gel dan ser milê xwe, li dijî dagirkeriyê bi biryardarî, bawerî û îradeyeke mezin têkoşîn meşandin. Li ser vê bingehê yek ji van berxwedanan jî ‘Şerê Berxwedana Serdêmê’ bû ku mohra xwe li dîroka şoreşa Rojava û bakurê Sûriyeyê xist. Di pêşengtiya YPG-YPJ û hêzên QSD’ê de bi rojan li dijî artêşa Tirk a dagirker û çeteyên bi ser ve berxwedaneke dîrokî hat raberkirin. Fermandarê mezin Rizgar Dêrik jî heman wek Avesta û Karkeran her wiha gelek şehîdên din şerê li hember dewleta Tirk a dagirker û çeteyên wê de bi berxwedaniyekê gihişte şehadetê. Li hember êrîşên dagirkeriyê ku gelê me û welatê me dike hedef, bi ruhê fermandar Rizgar Dêrîk, Avrîn, Bawer, Cîhan, Çekdar, Goran û Zerdeşt emê têkoşîna xwe bilindtir bikin.

Fermandarê mezin hevrê Rizgar Dêrik li bajarê Dêrik a rojavayê Kurdistanê di nav malbatek welatparêz de ji dayik bûye. Ji roja ku şoreşa rojava dest pê kir, fermandar Rizgar di hemû eniyên berxwedanê de li hember terora DAIŞ`ê wek fermandar rol girt û têkoşiya. Fermandar Rizgar, ji roja ku tevlî şoreşa rojava û bakurê Suriyê bû hetanî şehîd jî ket, di nava jiyanê de bibû çavkaniya hêz û baweriyê û her tim kesayeta xwe yê pêşeng û fermandariyê parast. Bi sekna fermandareke bi biryar û wêrek li hember hêzên paşverû û dagirker berxwedaneke bêhempa da raberkirin. Fermandarê mezin hevrê Rizgar, di nav şoreşa rojava û bakurê Sûriyeyê de, erk û berpirsiyartiyên xwe bi azweriyeke mezin bi cîh anî. Di şexsê fermandar hevrê Rizgar Dêrik de, têkoşîn û bîr anîna ku ji me re hiştiye ta ku em bigihînin serkeftinê û ji bo parastina şoreşa azadiyê ya rojava cardin em soz didin.

Nasnameya şehîdên me wiha ye:

Nasnav: Rizgar Dêrik

Nav û Paşnav: Ismet Ismayîl

Navê Dayikê: Sedîqa

Navê Bav: Kûrî

Cihê Ji Dayikbûnê: Dêrik