Navenda Ragihandin û Çapemeniyê ya Yekîneyên Parastina Gel (YPG) têkildarî şehadeta 8 şervanên YPG û YPJ`ê di berxwedana Kobanê de daxuyaniyeke nivîskî weşand.
Daxuyanî wiha ye:
“Gelê me ji dîrokê heya niha li hemberî her cure êrîş û dagirkeriya dijmin a li hemberî axa Kurdistanê bi sekneke berxwedêr ku bi pênaseya azadiyê re bûye yek, bersiv daye. Li dijî hemû êrîşan gelê me jî hêj zêdetir bi yekbûyînê rihê berxwedaneke hevpar ava kiriye. Ji bo wê di serî de ji bo parastina nirxên xwe yên çandî, şerê man û nemanê da meşandin. Yek ji wan şerên man û nemanê jî di sala 2014’an de li hemberî hewldana dagirkeriya çeteyên DAIŞ’ê li Kobanê hate meşandin ku êdî di nav rûpelên dîrokê de cihê xwe girtiye. Keç û xortên herî xweşik ên Kurdistanê jî bi dilsoziya welatparêzî û azadiyê ku xwe bexşandine gelê xwe, tev li şerê berxwedana Kobanê bûn ku bi mehan berdewam kir û îspat kirin ku dijmin tu caran nagihîje armanca xwe. Di meha Cotmehê de ku meheke tijî berxwedan e, me 8 hevalên xwe şehîd dabûn. Rêhevalên me Bêdeng, Bêrîtan Botan, Bêrîtan Besta, Botan, Birûsk, Cûdî, Rûken û Xweza ku ji çar parçeyên Kurdistanê hatibûn, di şerê berxwedana Kobanê de bi berxwedana ku dan nîşandan têkoşîna me ya azadiyê nîşanî her kesî da. Ev sekna milîtanî bûye sedem ku şoreşa Rojava li hemû cîhanê deng vede.
Ji ber sedema şert û mercên şerê ku çêbûne nasnameyên hevrêyên me dereng mabe jî hatine aşkerakirin. Em nasnameyên van hevalên xwe di vê pêvajoyê de îlan dikin. Nasnameyên hevrêyên me yên şehîd wiha ne:
Nasnav: Bêdeng Çewlig
Nav û Paşnav: Oktay Gûrdegir
Navê Dayikê: Xatun
Navê Bav: Zekî
Cihê Jidayikbûnê: Çewlig
Cih û Dîroka Şehadetê: Kobanê / 23 Cotmeh 2014
*****
Nasnav: Bêrîtan Botan
Nav û Paşnav: Ayşe Sayin
Navê Dayikê: Sabîha
Navê Bav: Şemsedîn
Cihê Jidayikbûnê: Mersîn
Cih û Dîroka Şehadetê: Kobanê / 10 Cotmeh 2014
*****
Nasnav: Bêrîtan Besta
Nav û Paşnav: Qadriye Koluman
Navê Dayikê: Xanim
Navê Bav: Îdrîs
Cihê Jidayikbûnê: Şirnex
Cih û Dîroka Şehadetê: Kobanê / 10 Cotmehê 2014
*****
Nasnav: Botan Farqîn
Nav û Paşnav: Cûneyt Kiliçdogan
Navê Dayikê: Xedîce
Navê Bav: Kemal
Cihê Jidayikbûnê: Amed
Cih û Dîroka Şehadetê: Kobanê / Cotmeh 2014
*****
Nasnav: Birûsk Tolhildan
Nav û Paşnav: Omer Ertan
Navê Dayikê: Maşallah
Navê Bav: Necmedîn
Cihê Jidayikbûnê: Amed
Cih û Dîroka Şehadetê: Kobanê / 1 Cotmeh 2014
*****
Nasnav: Cudî Amed
Nav û Paşnav: Mehmet Ozmen
Navê Dayikê: Halîme
Navê Bav: Tahir
Cihê Jidayikbûnê: Şirnex
Cih û Dîroka Şehadetê: Kobanê / 10 Cotmeh 2014
*****
Nasnav: Rûken Sîpan
Nav û Paşnav: Qudret Rasîkî
Navê Dayikê: Xatun
Navê Bav: Kadil
Cihê Jidayikbûnê: Makû
Cih û Dîroka Şehadetê: Kobanê / Cotmeh 2014
*****
Nasnav: Xweza Hasret
Nav û Paşnav: Leyla Çoban
Navê Dayikê: Berîvan
Navê Bav: Abdulhafiz
Cihê Jidayikbûnê: Sêrt
Cih û Dîroka Şehadetê: Kobanê / 11 Cotmeh 2014
Em 8 hevrêyên xwe yên ku di têkoşîna azadiyê de şehîd bûne bi rêzdarî û minet bi bîr tînin. Soza şehîdên me ya serkeftinê ku ji bo me şopdaran dane, em dewr digirin û em soza hê bi serkeftin û biryardariyeke mezin meşandinê dubare dikin.”
