Endama Konseya Fermandariya YJA Starê Batûfa Çekdar, têkildarî êrişên dagirkeriyê yên dewleta Tirk, ji ANF’ê re axivî.
Da zanîn ku dewleta Tirk ji 2019’an ve ye ji bo bi temamî herêmê dagir bike, xebatên demdirêj dimeşîne.
Yek ji qadên ku dewleta Tirk a dagirker bi taybetî giraniyê didê û bê navber êrişên xwe li ser didomîne, herêma Metîna ye.
Helbet êrişên li ser herêma Metînayê nû nînin, 4 sal in dewam dikin.
Tenê dewleta Tirk êrişî qada Metînayê nake.
Herêma ku herî zêde dagirkerî û xiyanet lê dibe yek, Metîna ye.
Sala 2020’an dewleta Tirk bi alîkariya PDK’ê, tevgera dagirkeriyê da destpêkirin.
PDK’ê dixwest ku ji dewleta Tirk a dagirker re, bingehekê ava bike.
Ev rastî ji aliyê her kesê vê tê zanîn; Herêmên Parastinê yên Medyayê hêza bingehîn e ku xaka Başûrê Kurdistanê diparêze.
Fermandar Batûfa Çekdar, diyar kir ku dewleta Tirk a dagirker, van êrişan jî qonx bi qonax dimeşîne.
Qonaxa destpêkê, hedef çend girên li sînorê Qaşûra bû.
Qonaxa duyem, êrîşên li ser tevahiya xeta Qaşûra bûn.
Qonaxa sêyemîn jî êrîşa li ser girê Hekarî bû.
Qonaxa çaran Girê Ortê û Girê Çarçêl, Serê Golka û Serê Metînayê bû.
Lê gerîlayan ji Qaşûra heta Çarçêl û derdora wê, ji Girê Ortê heta Serê Metîna û Serê Golka berxwedana xwe didomîne.
Batûfa Çekdar, da zanîn ku tevî hemû êrişên dewleta Tirk a dagirker jî, di rastiyê de hêza ku Metîna dorpêç kiriye, ne dewleta Tirk e.
Yanî ji bo dagirkirina Metînayê rolê esas ê xiyaneta PDK’ê ye.
Xiyaneta PDK’ê veguherî parçeyekî êrişên li ser herêma Metînayê.
Zext li ser xelkê Metînayê dikin da ku gund, cih, zevî, bax û baxçeyên xwe, çiyayên xwe biterikînin û koç bikin.
Lê xelkê Metîna xiyaneta di şexsê PDK’ê de û dagirkeriya Tirk lanet kirin.
Rûmeta xwe nefirotin, li xaka xwe, warê xwe û qadên xwe man.
Tevî hemû zextên PDK’ê hemûyî jî xelkê Metînayê dest ji sekna xwe ya bi rûmet berneda.
Sekna li dijî xiyanetê, sekna Kurdên azad e.
Sekna xwedî derketina li rûmeta xwe ye.
