Jinan li Lûzernê li ser banga Meclîsa Jinê ya Arîn Mîrkan li pêşiya postaxaneya bajêr li hev civiyan, endamên Navenda Civaka Kurd jî piştgirî dan.

Li ser navê Meclîsa Jinê ya Arîn Mîrkan Nûrşen Nergîs bal kişand ser şert û mercên giran ên tecrîda girankirî ya li ser Rêber Abdullah Ocalan.

Nûrşen Nergîs got: “Rakirina pergala êşkence û tecrîda Îmraiyê di berpisyariya CPT’yê de ye.

CPT neçar e bibe bersiva daxwazên me.”

Piştî axaftinan 940 nameyên ku hatin îmzekirin, ji CPT’yê re hatin şandin.

Jinan li bajarê Locarno ya Kantona Tîcîno jî name ji CPT’yê re şandin.

Însiyatîfa Jinên Azad a Tîcîno di çarçoveya kampanyayê de 168 name avêtin postayê.

Berdevka Însiyatîfa Jinên Azad a Tîcîno Fatma Yilmaz diyar kir ku CPT êdî divê li hemberî tecrîd û bêhiqûqiyê bêdeng nemîne.