Îro, di ser şehadeta pêşengê azadiyê Diyar Xerîb-Heval Helmet re, 5 sal derbas dibin.
Diyar Xerîb li Başûrê Kurdistanê bûye ruhê raperîn û azadiyê, ew evîndarê welatê xwe bû, ji bo vê jî heya dawiya nefesa xwe têkoşîn kir.
Diyar Xerîb- Heval Helmet, di sala 1973’an de li gundê Sêwsênan ya Qeredaxa girêdayî Silêmaniyê ji dayik bû.
Piştre, bi malbata xwe re koçi Silamiyê dike.
Diyar Xerîb li bajarê Silêmaniyê mezin bû, dibistana seretayî û Amadeyî li Silêmaniyê xwend. Piştre Beşê Fizîkê li Zanîngeha Selahedînê ya Hewlêrê temam kir.
Diyar Xerîb di sala 1991ê de, PKK û Ocalan nas kir, Di sala 1992’an de weke ciwanekî welatparêz kar kir û di sala 1995’an de tevlî nava PKK’ê bû.
Heval Helmet, wiha behsa vê qonaxê dike: Di wê serdemê de min li ser PKK’ê hinek tişt bihistin, gotinên wisa bûn ku eniyek ya Kurdistanê li gel PKK’ê eniyekî neteweyî ya mezin, ji bo gelê Kurd tê avakirin. Ji ber wê Mam Celal Telbanî, ji bo lihevkirinê çû gel Rêber Apo û ev yek morala me bilind kir.”
Piştre şerê navxweyî yê di navbera YNK û PDK’ê de çêbû.
Ev jî bû sedema nerazîbûna gel û baweriya bi şoreşa PKK her diçû û li ser fikir û felsefeya Rêber Apo mezin dibû.
Ciwanên Kurd, yên Başûrî, pêl bi pêl berê xwe didan çiyan û beşdarî nava refên Gerîla dibûn.
Ez jî yek ji wan ciwanan bûm: YNK’ê û PDK’ê qala Kurdîtiyê dikirin, lê Başûr, ji beşên din yên Kurdistanê cuda dikirin. Ev jî, ji bo min nakokî bû. Lê, di diruşmeyên PKK’ê de hemû Kurd û hemû beşên Kurdistanê hebûn.
Ev yek ji bo min rastir bû. Li ser vê yekê min dest bi lêgerînê û xwendina Rêber Apo kir. Nivîsên ku min xwendin jî bandorek meizn li min kirin.
Heval Halmet, di Cotmeha 1997’an de, diçe gel Rêber Abdullah Ocalan û perwerdê dibîne.
Heval Halmet dibêje; Min çend pirtûkên Rêber Apo xwendibûn û ez bi fikrê Rêber Apo ve hatibûm girêdan, lê dîtina wî ji bo min tiştekî cuda bû.
Di sala 2002’an de li gel hejmarek hevalên xwe, Partiya Çareseriya Demokratîk a Kurdistanê (PÇDK) damezrandin û ji sala 2008’an heta 2014’an bû serokê PÇDK’ê.
Herî dawî di 26’ê Hezîrana sala 2019’an de, di encama xiyanetê Heval Helmet û 2 hevalên wî, li Qendîlê, di êrişek hewayî ya balefirên şer yên dewleta Tirk a dagirker de, şehîd bû. .
Di sala 2021’an de li ser jiyana Heval Helmet û têkoşîna wî, pirtukek hate nivîsandin û bi navê;’Diyar Xerîb, Manîfestoya Kesayeta Azad û Şoreşgerê Kurdistanê’, ji 5 bergan hate weşandin.
