Li dijî desteserkirina Şaredariya Colemêrgê, li bajêr çalakiya nobetê hate destpêkirin.
Di 25’ê Hezîranê de şandeyek ji hevşaredar û endamên meclîsên hatine hilbijartin ên navçeyên Payîzava, Elbak, û navçeya Avkevir ya Agiriyê pêk dihat tevlî çalakiyê bû.
Şandeyê duh bi daxuyaniyekê ragihand ku wan li qada li ber Bazara Gel ya Şaredariyê, dest bi nobetê kirine.
Li qada çalakiyê jî pankartên “Em ê tecrîdê bişkînin em ê qeyûm bişînin”, “Ne qeyûm, ne tecrîd, ji gelê Kurd re azadî”, “Şaredarî yên me ne, em destûrê nadin desteserkirinê” û “Ji vînê re rêz bigirin” hatin daleqandin.
Parlamenterê DEM Partiyê Onûr Duşunmez û gelek endamên partiyê beşdarî nobetê bûn.
Welatiyan di çalakiyê de bi stranên Kurdî coşa nobetê zêde kirin.
Hat diyar kirin ku nobet wê bê qutebir her roj dewam bike.
